ОРАЛ. Тамыздың 30-ы. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университетінде ҚР Конституциясының 15 жылдығына орай «Конституция - елдің дамуы мен тұрақтылығының негізі» атты облыстық ғылыми-тәжірибелік конференция өткізілді, деп хабарлайды ҚазАқпарат тілшісі.
Конференцияның пленарлық мәжілісінде Конституцияның құқықтық негіздері, оның ел дамуындағы, Қазақстанның құқықтық жүйесін қалыптастырудағы рөлі туралы баяндамалар тыңдалды. Конференцияға қатысушылар Ата заң баптарына қандайма болсын өзгеріс-толықтырулар енгізу уақыт талаптарына байланысты екендігін атап өтті.
Аталмыш университеттің ішкі және сыртқы бағалау бөлімінің бастығы Олег Юровтың айтуынша, Конституция негізгі мемлекеттік құжат болғандықтан, ол елдегі барлық демократиялық жаңаруларға, қоғамның алға жылжуына үнемі әсер етеді. Қазақстан қазіргі уақытта ЕҚЫҰ-ға төрағалық етуде, сондықтан оның алдында үлкен міндеттер тұр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).