ОРАЛ. 1 маусым. ҚазАқпарат - Оралда сот шешіміне сәйкес 328 алкогольдік ішімдік пен 200 дана аудио-бейне өнімдері жойылды.
Сот актілерін орындау департаментінен Уәли Дүйсенғалиевтің хабарлауынша, заңсыз алкогольдік өнімдердің 222-сі «Жером» ЖШС-на, ал қалғаны Ақжайық ауданы Тайпақ ауылындағы жеке кәсіпкер М.Төлегеноваға тиесілі. Аудио-бейне таспалардың 24-і М.Блекешова, 19-ы Ғ.Жақыпов және қалған 100-ден астамы А.Гогоняк деген жеке тұлғалардан алынған. Заңсыз өнімдерді жоюға БҚО сот актілерін орындау департаментінде мемлекеттік сот орындаушыларынан арнайы құрылған комиссия қатысып, заңсыз айналымдағы тауарлардың жойылуына куә болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).