ОРАЛ. Тамыздың 30-ы. ҚазАқпарат /Елжан Ералы/ - Оралда ҚР Конституциясының 15 жылдығы кеңінен аталып өтілуде, деп хабарлайды ҚазАқпарат тілшісі.
Осыған дейін облыс көлемінде Ата заң құрметіне арналған мәдени-спорттық шаралар, салтанатты кештер, дөңгелек үстелдер ұйымдастырылса, бүгін Оралдағы орталық Абай алаңында мейрам еңбек ұжымдарының шеруімен басталды. Салтанатты шара концерттік бағдарлама, мәдени-спорттық, бұқаралық іс-шараларға жалғасып, кешкісін ҚР Конституциясының 15 жылдығына арналған гала-концерт мерекелік отшашуға ұласпақ.
Тамыздың 31-інде қала мектептерінде ақпараттық көрмелер ұйымдастырылса, қыркүйектің 1-інде «Ата заңыма 15 жыл» тақырыбында тәрбие сағаттары өткізіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).