ОРАЛ. Шілденің 3-і. ҚазАқпарат /Елжан Ералы/ - Оралда ҚР Президентінің жүлдесі үшін республикалық ІV халық спорты ойындары басталды.
Ойындар спорттың 14 түрінен: волейбол, шағын футбол, стритбол, қол күресі, қазақ күресі, үстел теннисі, жазғы президенттік көпсайыс, отбасылық жарыстар, бильярд және самбо күресінен ұйымдастырылып отыр. Жарысқа 14 облыс пен Астана, Алматы қалаларынан барлығы 2 мыңнан астам спортшы қатыспақ.
Бұдан бұрын халықтық ойындар аясында волейбол сайысы мәреге жеткен болатын. Онда ерлер арасында БҚО құрамасы жеңімпаз атанса, шығысқазақстандықтар - екінші, Алматы облысы үшінші орынды еншіледі. Әйелдер арасында шығысқазақстандықтар үздік болса, БҚО - екінші, солтүстікқазақстандықтар үшінші орынды иеленді.
Шілденің 2-3-інде кейбір спорт түрлерінен алдын ала ойындар өткізілсе, шілденің 4-інде П.Атоян атындағы стадионда жарыс салтанатпен ашылмақ. Халықтық ойындар шілденің 6-сында мәреге жетеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).