23:04, 22 Қаңтар 2013

Оралда ҚР Президентінің жүлдесі үшін самбодан әлем кубогінің кезеңі өтпек

ОРАЛ. 22 қаңтар. ҚазАқпарат - 27-28 қаңтар күндері Орал қаласындағы жабық мұз айдыны сарайында ҚР Президентінің жүлдесі үшін самбо мен әскери самбодан әлем кубогінің кезеңі өтпек.

БҚО туризм, дене шынықтыру және спорт басқармасының бөлім бастығы Тұрарбек Бекарыстановтың хабарлағанындай, аталмыш жарысқа дүние жүзінің 20-дан астам елінен 600-дей спортшы қатыспақшы. Атап айтқанда, Ресей, Өзбекстан, Тәжікстан, Болгария, Румыния, Пәкістан, тіпті Африканың Мали сынды елдеріне дейін өз сайыпқырандарын додаға қоспақшы. Қазақстан құрамасымен қатар Батыс Қазақстан облысының самбошылары да жеке команда болып сынға түспекші. Батысқазақстандықтар қатарында самбодан әлемнің төрт дүркін чемпионы Ерболат Байбатыров сынды белгілі балуандар бар.

Аймақ Батыс Қазақстан облысы Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).