ОРАЛ. 20 қараша. ҚазАқпарат - Оралдағы жабық мұз айдыны сарайында ҚР Тұңғыш Президентінің күніне арналған хоккейден оралдық «Ақжайық» және атыраулық «ҚазМұнайГаз» командалары арасында жолдастық кездесу өткізілді.
Салауатты өмір салтын орнықтыруда мұндай спорт шарасының маңызы зор екендігін Орал қалалық мәслихатының хатшысы Абат Шыныбеков, облыстық туризм, дене шынықтыру және спорт басқармасының бөлім бастығы Тұрарбек Бекарыстанов атап өтті.
Үш кезеңнен тұратын ойын 4:2 есебімен «Ақжайықтың» пайдасына аяқталды. Оралдықтар сапында Мүсілім Оңдағанов (БҚО туризм, дене шынықтыру және спорт басқармасының бастығы), Сергей Уланов, Дмитрий Хамко, Вадим Кожевников гол соқты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).