ОРАЛ. 28 мамыр. ҚазАқпарат - Орал қаласындағы «Жастар» стадионында медицина қызметкерлерінің спартакиадасы өткізілді.
Оған қаладағы медицина мекемелерінің командалары жиналып, қатысушыларды қала әкімінің орынбасары Владимир Дремасов, облыстық денсаулық сақтау басқармасы бастығының орынбасары Ғизатолла Ләмов құттықтап, сәттілік тіледі.
Облыстағы денсаулық сақтау саласының қызметкерлері мұндай жарыстарға 1999 жылдан бері қатысып келеді. Жыл сайын спартакиадаға қатысушылар қатары көбеюде. Бұл жолы 30 команда құрамында 1200-ден астам қызметкер волейбол, арқан тарту, шағын футбол, жеңіл атлетика, көңілді старттар, тағы басқа да спорттық ойындардан сынға түсті.
Жалпыкомандалық есепте облыстық клиникалық аурухана қызметкерлері жеңімпаз атанса, №3 қалалық емхана - екінші, қалалық жедел жәрдем стансасы үшінші орынды иеленді.
9-10 маусым күндері облыстық спартакиада өтеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).