ОРАЛ. Қыркүйектің 26-сы. ҚазАқпарат /Ғайсағали Ералы/ - Оралда қалалық білім беру бөлімінің ұйытқы болуымен «Мектепке жол» іс-шарасы аясында 104 балаға 1,1 млн. теңгенің көмегі көрсетілді,
деп хабарлайды ҚазАқпарат тілшісі.
Демеушілерден жиналған қаржыға балаларға қалауы бойынша оқу құралдары, спорттық киімдер, тәтті тағамдар үлестірілді.
Қалалық білім беру бөлімінің бастығы Дайыр Сапаровтың айтуынша, Оралда 45 мектеп болса, соларда оқитын аз қамтылған отбасылардан шыққан балалар баршылық. «Мектепке жол» іс-шарасы аясында оларға жәрдем қыркүйек айы бойы ұйымдастырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).