ОРАЛ. Тамыздың 26-сы. ҚазАқпарат /Елжан Ералы/ - Тамыздың 25-інде Орал қаласында «Мектепке жол» акциясы аясында кезекті шара ұйымдастырылды,
деп хабарлайды ҚазАқпарат тілшісі.
Қала әкімдігі «Нұр Отан» ХДП қалалық филиалымен бірлесіп, кәсіпкерлердің қолдауымен өткізген шара барысында аз қамтылған отбасы балалаларына, жетімдерге және басқа мұқтаж жеткіншектерге 500-ден астам киім мен оқу құралдарының жиынтығы табыс етілді.
Қалалық білім беру бөлімінің бастығы Дайыр Сапаровтың сөзіне қарағанда, акция аясында тағы да бірнеше шара ұйымдастырылмақ. 33 млн. теңге мұқтаж балаларға мектеп киімін алуға бөлінсе, кеңсе тауарларына 10 млн. теңге жұмсалмақ. Ал мектеп жәрмеңкесінде тауарлар оқушылар үшін төмен бағамен сатылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).