ОРАЛ. Тамыздың 27-сі. ҚазАқпарат /Елжан Ералы/ - Орал қаласында тамыздың 27-сінде мемлекеттік қызметкерлер арасында дәстүрлі спартакиада басталды,
деп хабарлайды ҚазАқпарат тілшісі.
Облыстық туризм, дене шынықтыру және спорт басқармасы ұйымдастырып отырған шара ҚР Конституциясының 15 жылдығына арналып отыр. Спорттың шағын футбол, үстел теннисі, дойбы, тоғызқұмалақ, шахмат, жеңіл атлетика, жүзу, қазақ күресі, арқан тарту секілді тоғыз түрінен болатын жарысқа облыстың барлық аудандарынан және Орал қаласынан командалар қатысуда.
Екі күнге созылатын жарыс ертең қорытындыланып, жеңімпаздар мен жүлдегерлер марапатталмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).