ОРАЛ. 16 қараша. ҚазАқпарат /Елжан Ералы/ - Батыс Қазақстан облыстық статистика департаментінде мемлекеттік статистика органдарының 90 жылдығы аталып өтілді.
Статистика департаментінен хабарлағанындай, ҚР Статистика агенттігі мен департаменттің алғысхаттары мен грамоталары үздік қызметкерлерге салтанатты жағдайда тапсырылды.
Кешке статистика ардагерлері, осы салада отыз жылдан астам уақыт бойы еңбек еткен В.Скаленко, Т.Сұлтанғалиев, В.Журавлева шақырылып, оларға ескерткіш сыйлықтар табыс етілді. Салтанат соңы мерекелік концертке ұласты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).