ОРАЛ. 23 тамыз. ҚазАқпарат - 21 тамыз күні «Park Hotel» кешенінде «Қазақтелеком» АҚ-ның ұйымдастыруымен мемлекеттік тілді дамытуға арналған семинар жұмысы басталды.
Атырау, Ақтөбе, Маңғыстау облыстарынан делегаттар қатысып жатқан семинарда «Қазақтелеком» АҚ мемлекеттік тілді енгізу мен дамытудың 2011-2013 жылдарға арналған бағдарламасының жүзеге асуы туралы аталмыш мекеменің ұйымдастыру-бақылау департаментінің бас менеджері Е.Баймағамбетов баяндама жасады. 1080 қызметкері бар компания бүгінде қазақ тіліне тұтастай көшкен. 2009 жылдан бері мекеме қабырғасында 184-тен астам қызметкер қазақ тілін меңгеріп шыққан.
Өз жұмысын 23 тамызда аяқтайтын семинар барысында мемлекеттік тілді дамытудағы өңірде кездесіп отырған түйінді мәселелер мен оның шешу жолдары қарастырылады. Сондай-ақ әдістемелік кабинеттер ашылып, тілді жетік меңгерген қызметкер арасында төрт облыстан келген командалар бақ сынасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).