07:30, 11 Қыркүйек 2012

Оралда мұғалімдер жаңаша дәріс алмақ

ОРАЛ. 11 қыркүйек. ҚазАқпарат - Батыс Қазақстан облысы бойынша біліктілікті арттыру институты мекемесінде 10 қыркүйек күні педагог кадрларды оқытудың 3 ай мерзімге арналған жаңа бағдарламасы бойынша өңірдің 190 мұғалімін қабылдау рәсімі салтанатты түрде ашылды.

Бұл бағдарламаны халықаралық емтихан кеңесімен келісімге сәйкес, "Назарбаев зияткерлік мектептері" ДББҰ Ұлыбританиядағы Кембридж университетімен бірлесіп әзірлеген. Білім және ғылым министрлігі бастамасымен қолға алынған үздік әлемдік тәжірибе негізіндегі жаңа бағдарлама өңірлік біліктілік арттыру институттарында үш ай бойы оқытылады. Сыннан сүрінбей өткендерге Білім және ғылым министрлігі мен "Назарбаев зияткерлік мектептері" ДББҰ бекіткен "Үшінші деңгей мұғалім сертификаты" беріледі. Бұл құжат ұстаздар еңбекақысының 30 пайызға артуына мүмкіндік бермек.

Аймақ Білім Батыс Қазақстан облысы Білім және ғылым
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).