ОРАЛ. 6 қазан. ҚазАқпарат - БҚО-да ұйымдастырылған қайырымдылығы аясында Оралдағы жастар шығармашылығы орталығында мүмкіндігі шектеулі адамдар арасында ХV облыстық шығармашылық фестивалі өткізілді.
«Нұр Отан» ХДП БҚО филиалы ұйымдастырған байқау екі бөлімнен: эстрадалық вокал және декоративті-қолданбалы өнерден тұрды. Әншілер сахна шығып, өз өнерлерін көрсетсе, екінші бөлім бойынша көрмеге мүгедек суретшілердің 70-тен аса еңбектері қойылды. Бұлар тақырыбы мен жанры жағынан сан алуан.
«Нұр Отан» ХДП облыстық филиалының бөлім меңгерушісі Гауһар Шайхиниязованың айтуынша, фестиваль мақсаты - мүгедек жандардың шығармашылық жағынан барынша ашылып, жандары қалаған істерімен айналысуына қолдан келгенше мүмкіндік жасау. Олардың арасында да талантты жандар аз емес. Осындай шаралардың арқасында олардың шеберлік қырлары ашыла түседі.
Фестивальға белсене қатысқандар марапатсыз қалған жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).