ОРАЛ. ҚазАқпарат - Орал қалалық сотының үкімімен облыстық аурухананың дәрігері Е.Асауов ҚР ҚК 114-бабы 4-бөліміне сәйкес (1997 жылғы редакциядағы) айыпты деп танылып, мерзімі өтіп кетуіне байланысты қылмыстық жауапкершіліктен босатылды.
БҚО сотының баспасөз қызметінен түскен мәліметке қарағанда, 2013 жылы 13 қазанда пышақ жарақатымен облыстық ауруханаға түскен науқасқа ота жасалған. Алайда дәрігер кәсіби міндетін дұрыс атқармай, жұмысына салғырт қарап, науқастың іш қуысында таңатын дәкені ұмыт қалдырған. Соның салдарынан науқастың іші қабынып, перитонитке айналып, көз жұмған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).