05:34, 27 Маусым 2012

Оралда Назарбаев зияткерлік мектебіне оқушыларды жаңадан іріктеу жұмыстары жүргізілуде

ОРАЛ. 27 маусым. ҚазАқпарат - Физика-математика бағытындағы Назарбаев зияткерлік мектебіне 7 және 9 сынып оқушыларын жаңадан іріктеу жұмыстары жүргізілуде.

Өткен жылы да өңірдегі шәкірттер сүзгіден өтіп, қабылданған болатын. Биыл қалған орындарға 135 оқушы алынбақ. Мектеп директоры Шолпан Қадырованың айтуынша, сабақ қазақ және орыс тілдерінде жүргізілетін 7, 9 сыныптарға құжат А.Макаренко атындағы №6 орта мектепте қабылдануда. Үміткерлер кешенді тестілеуден өтіп, сосын бақылау жұмыстарын жазады. Кешенді тестілеуден 7 сынып емтиханына математика, қазақ, орыс, ағылшын тілдері, 9 сыныпқа математика, физика, қазақ, орыс, ағылшын тілдері енгізілген. Екінші кезеңде 7 сынып оқушылары математикадан, 9 сынып шәкірттері математика мен физикадан бақылау жұмысын жазады.

Аймақ Батыс Қазақстан облысы Білім Білім және ғылым Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).