ОРАЛ. 24 қазан. ҚазАқпарат /Елжан Ералы/ -Орал қаласында «Орал аруы-2011» сұлулық байқауы мәреге жетті.
Оған Орал мен облыс аудандарынан барлығы 18 ару қатысты. Сайыс қорытындысында Орал қаласындағы №6 орта мектептің 10-сынып оқушысы Софья Доспанова бас жүлдені иемденсе, ақсайлық Іңкәр Жидебаева - бірінші, оралдық Малика Хадиматова - екінші, тағы бір ақсайлық Алина Қоңырова - үшінші, оралдық Қымбат Әбуалиева төртінші орынды еншіледі.
Байқау жеңімпазы 4 желтоқсанда Алматы қаласында өтетін «Қазақстан аруы» байқауына қатысатын болады.
Аталмыш байқаудың өткен жылғы жеңімпазы, Ақ Жайықтың аруы Жанна Жұмалиева Лондонда өтетін дүниежүзілік додаға дайындалуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).