22:41, 07 Мамыр 2012

Оралда «Поэзия, менімен егіз бе едің?» атты жазба ақындар байқауы мәреге жетті

ОРАЛ. 7 мамыр. ҚазАқпарат -   М.Өтемісұлы атындағы Батыс Қазақстан мемлекеттік университетінің мәжіліс залында Мұқағали Мақатаев поэзиясына арналған «Поэзия, менімен егіз бе едің?» атты  жазба ақындар байқауы өтті.

Облыстық тілдерді дамыту басқармасынан келген мәліметке қарағанда, байқаудың қорытындысы бойынша бас жүлдені М.Өтемісұлы атындағы БҚМУ студенті Айдана Сұлтанмахмұд жеңіп алып, республикалық байқауға жолдама алды. 1-орынды Қаратөбе ауданының үміткері Әділбек Әжғалиев еншіледі. 2-орынды М.Өтемісұлы атындағы БҚМУ студенті Айнұр Ұябасова жеңіп алды. Ал 3-орын Зеленов ауданынан келген Сыйлыхан Жұмасалиховқа бұйырды.

Аймақ Батыс Қазақстан облысы Қоғам Әдебиет
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).