ОРАЛ. ҚазАқпарат - Күннің суытуына байланысты бүгін Орал қаласы мектептерінде бірінші ауысымда оқитын 1-4-сынып оқушылары үшін сабақ тоқтатылды, деп хабарлайды «ҚазАқпарат» ХАА тілшісі.
БҚО ТЖ департаменті жедел кезекшісінің көмекшісі, азаматтық қорғау прапорщигі Бекжан Молдабековтің айтуынша, «Қазгидромет» РМК БҚО филиалының мәліметі бойынша температура 25 градусқа дейін төмендеген, желдің жылдамдығы секундына 2 метр. Бұл жөнінде тиісті хабарламалар берілуде.
Еске сала кетейік, кеше таңертең де 26 градус аяз болғандықтан, бастауыш сыныптарда сабақ тоқтатылған еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).