ОРАЛ. 9 сәуір. ҚазАқпарат - Қырық жылдық тарихы бар «Гидроприбор» ғылыми-зерттеу институты» АҚ «Сағым» атты жаңа катер құрылысына кірісті.
Кәсіпорынның бас директоры Александр Гнеломедовтың айтуынша, жаңа катердің басты ерекшелігі - оның жылдамдығында. Өйткені ол сағатына 115-116 шақырым жылдамдықпен жүзеді. Кеме еліміздің су айдындарындағы шекарасын күзетуге арналған. Қазір оны жасау жұмыстарына 18 адам жұмылған. Жаңа катер алдағы жазда сынақтан өтеді деп күтілуде. Мұндай су көлігі елімізде бірінші рет жасалғалы отыр.
Сонымен қатар «Гидроприбор» ұжымы жаңа технологияларды трансферттеу арқылы с асты жұмыстарын жүргізу үшін робот-техникалық құралдарды жасауға да ден қойған. Ондай техникалық жабдық төтенше жағдайлар саласы қызметіндегілерге қажет.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).