ОРАЛ. Желтоқсанның 1-і. ҚазАқпарат /Ғайсағали Ералы/ - Желтоқсанның 1-інде Оралда саяси партиялар клубының кезекті отырысы болып, онда зейнетақы мәселесі талқыланды,
деп хабарлайды ҚазАқпарат тілшісі.
Осыған орай саяси партиялар өкілдері өз ұсыныс-пікірлерін ортаға салды. Облыстық жұмыспен қамту және әлеуметтік бағдарламаларды үйлестіру басқармасының бастығы Табылғали Сапаров, БҚО бойынша бақылау және әлеуметтік қорғау департаментінің директоры Берікболат Нұржанов, мемлекеттік зейнетақы төлеу орталығы БҚО филиалының директоры Асқар Қожымов соңғы жылдары зейнетақы мен жәрдемақының ұдайы өсіп отырғанын айтып, халықтың әлеуметтік жағынан қорғалатын тобына жасалып отырған жеңілдіктер туралы толыққанды мәлімет берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).