ОРАЛ. 6 ақпан. ҚазАқпарат /Елжан Ералы/ - Орал қаласында тіркелген шағын бизнес нысандарының саны 22 мыңнан асты, оларда 38 мыңнан астам адам еңбек етеді.
Орал қаласы әкімдігінен түскен мәліметке қарағанда, өткен жылы шағын кәсіпкерліктер 95 млрд. теңгенің өнімін өндірді. Оларға жалпы аумағы 58 га 233 жер телімі берілді. Бұдан өзге ғимаратты бизнес үшін қайта ыңғайлауға 112 рұқсат берілді.
«Бизнестің жол картасы - 2020» бағдарламасы аясында қалада 16 жоба жүзеге асырылып жатса, соның екеуі («Казармапром» ЖШС - ұнтақ шарлар өндірісін қайта құру және «Фоняков» ЖК - мия тамырын өңдеу) экспортқа бағытталған.
Кәсіпкерлерге 10 млрд.-тан астам теңге несие берілген, бұл 2010 жылғыдан 18 пайызға артық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).