19:26, 25 Маусым 2012

Оралда соттың ашықтығы мен жариялылығына үлес қосқан журналистер марапатталды

ОРАЛ. 25 маусым. ҚазАқпарат - 25 маусым күні Батыс Қазақстан облыстық сотында баспасөз қызметкерлерінің төл мерекесіне орай арнайы жиын өткізілді.

Облыстық сот төрағасы Қамбар Нұрышев соттың сан салалы қызметін көпшілікке жария етуге өз үлестерін қосып, шығармашылықпен еңбектеніп жүрген журналистер Ғайсағали Сейтақ, Мира Шүйіншәлиева, Еркін Карин, Татьяна Рудаметоваға алғысын білдіріп, құрмет грамоталары мен сыйлықтар табыс етті. Осындай марапатқа баспасөз беттерінде мақалаларымен жиі көрініп жүрген судьялар Гүлнәз Оспанова, Зәуре Жұмашева, Махамбет Бақтығұлов, Есенбай Боранбаев ие болды. Облыстық соттың баспасөз қызметкерлері Амангелді Шахин, Гүлмира Кенжеғалиева, Айжан Қапуловаға қаржылай көтермелеу жасалды.

Мәдениет Сот Аймақ Батыс Қазақстан облысы Басқа мемлекеттік органдар Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).