ОРАЛ. Қыркүйектің 28-і. ҚазАқпарат /Ғайсағали Ералы/ - Қазақстан инновациялық және телекоммуникациялық жүйелер университетінің студенттер сарайында «Студенттік отбасы-2009» байқауы өткізілді,
деп хабарлайды ҚазАқпарат тілшісі.
Байқау бес бөлімнен тұрды. Әуелі көпшілікке өздерін таныстырған жас отбасылар содан кейін бір-біріне жылы сөздерін арнады. Әсіресе, олардың отбасындағы кейбір келеңсіз жағдайларды шешудегі ұтымды жауаптары жұртшылық көңілінен шықты.
Байқау қорытындысында М.Өтемісұлы атындағы Батыс Қазақстан мемлекеттік университетінің студенттері Сұлтан Дәуітов пен Динара Әбілқайырова бірінші орынға ие болды. Сайысқа қатысушылардың бәріне дипломдар мен сый-сияпат табыс етілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).