ОРАЛ. 14 қыркүйек. ҚазАқпарат - 13 қыркүйек күні Батыс Қазақстан облыстық тарихи-өлкетану мұражайында «Мұражай және балалар көрмесі» атты тақырыпта Сырым ауданы мектеп мұражайлары көрмесінің ашылу салтанаты өтті.
Аталмыш көрмеге көне жәдігерлер мен бұйымдар қойылған. Шара БҚО білім беру мекемелеріндегі «Мектеп мұражайлары белсенділері» фестивалі аясында 2012 жылдың 17 мамыр - 28 қараша күндері аралығында өткізілуде.
Шараға ауданның құрметті азаматтары, Қ.Мырзалиев атындағы мектептің ұстаздары мен оқушылары, мұражай қызметкерлері қатысты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).