ОРАЛ. 11 қазан. ҚазАқпарат /Елжан Ералы/ - Оралда «Нұр Отан» ХДП БҚО филиалы «Жас Отан» жастар қанатының ұйымдастыруымен «Табиғат -Адам - Қоғам» атты экологиялық эстафетасы өткізілуде.
Шараның ашылу салтанаты 8 қазан күні Жеңіс алаңында болып, оған 200-ден астам студенттер мен жастар қатысты. Бұл жолы олар Жайық жағалауын тазартуға атсалысты. Бір күн бойы жасалған жұмыстар нәтижесінде бірнеше тонна қоқыс шығарылды.
«Жас Отан» жастар қанаты атқарушы хатшысының орынбасары Дархан Қадырәлиевтің сөзіне қарағанда, бір айға созылатын шара барысында Деркөл, Шаған өзендерінің де жағалауларын тазарту үшін сенбіліктер ұйымдастырылмақ. Эстафета қорытындысында белсенді студент жастар ынталандырылатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).