ОРАЛ. 26 маусым. ҚазАқпарат - 26 маусым күні облыстық тарихи-өлкетану музейінде «Мектеп музейі белсенділері» атты облыстық фестиваліне орай «Музей және балалар көрмесі» тақырыбында Тасқала ауданының мектеп музейлері көрмесінің ашылу салтанаты болды.
Аталмыш жобаны ұйымдастырушылар - Батыс Қазақстан облыстық тарихи-өлкетану музейі, БҚО білім басқармасының балалар-жасөспірімдер туризмі және экология орталығы. Шара өңірдің білім беру мекемелеріндегі «Таңдаулы мектеп музейін» анықтау және жас ұрпақты туған өлкенің тарихи-мәдени мұрасын тануға қызығушылығын арттыру және отаншылдыққа тәрбиелеу мақсатында өткізілуде.
Бұл жолы Тасқала ауданындағы мектеп музейлерінен әкелінген құнды жәдігерлер көрмеге қойылған. Экспонаттарды музейге келген оқушы-жастар тамашалады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).