19:33, 06 Сәуір 2009

Оралда «Тазша бала» байқауы мәреге жетті

ОРАЛ. Сәуірдің 6-сы. ҚазАқпарат /Ғайсағали Ералы/ - Оралда облыстық «Тазша бала» байқауы мәреге жетіп, жеңімпаз, жүлдегерлер анықталды,

деп хабарлайды ҚазАқпарат тілшісі. Облыстық тілдерді дамыту басқармасы мен «Жас толқын» қоғамдық бірлестігі ұйымдастырған шараға 10-30 жас аралығындағы 13 үміткер қатысып, төрт кезеңнен тұратын сайыста сынға түсті. Олардың арасында оқушыдан бастап студент, мұғалімге дейін болды. Бәрі де Тазша балаша таңдайлары тақылдап, тапқырлық танытуға тырысып бақты. Байқау қорытындысында Орал қаласындағы №34 орта мектептің 5-сынып оқушысы Ұлағат Құлманов жеңімпаз атанып, Астана қаласында өтетін республикалық «Тазша бала» байқауына жолдама алды.
Мәдениет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).