ОРАЛ. 18 тамыз. ҚазАқпарат - Кеше Оралда бір жылда 4 рет жол қозғалысы ережесін бұзған жаяу жүргіншіге сот үкімі шығарылды.
БҚО ІІД жол полициясы басқармасынан Манарбек Нәжиевтің хабарлағанындай, жаяу жүргінші төрт мәрте жол ережесін бұзып, жол сақшыларының құрығына іліккен. Бірнеше мәрте тәртіп бұзған жүргіншінің үстінен ҚР Әкімшілік құқық бұзушылық туралы Кодексінің 473-бабы1-бөліміне сай іс қозғалған. Жол ережесін бұзушының ісі сотта қаралып, сот оны 3 күнге қамауға алуға үкім шығарды.
Мұндай жағдай өңірде тұңғыш рет тіркеліп отырған көрінеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).