ОРАЛ. 9 желтоқсан. ҚазАқпарат - Кеше облыстық жоғары спорттық шеберлік мектебінің залында ҚР Тұңғыш Президенті күніне орай жастар мен ересектер арасында аралас жекпе-жек түрлерінен облыстық турнир мәреге жетті.
Облыстық туризм, дене шынықтыру және спорт басқармасынан түскен мәліметке қарағанда, 16-19 жастағылар арасынан өз салмақ дәрежелеріне қарай Досбол Еліген (62 кг), Оралбек Мақашев (65,8 кг), Андрей Шилимов (70,3 кг), Илья Пяткин (77,1 кг), Сұлтанбек Меңдібаев (77 кг) жеңімпаз атанды. Ал ересектер арасында Аманқос Жанғалиев (62 кг), Мансур Арсаханов (65,8 кг), Серік Қартабаев (70,3 кг), Ислам Хасиев (77,1 кг), Армат Сәрсекенов (84 кг), Андрей Смирнов (93 кг), Михаил Помазанов (93 кг) чемпиондық атаққа қол жеткізді. Бұлардың бәрі де Орал қаласының атынан сынға түсті.
Айта кету керек, жекпе-жекке шыққандар арасында самбо, кикбокс, қоян-қолтық ұрыс, еркін күрес, аралас жекпе-жекпен айналысушылар болды.
Өңірде алғаш рет ұйымдастырылған сайыс қорытындысында жеңімпаз-жүлдегерлердің барлығы диплом, медальдармен, ақшалай сыйлықтармен марапатталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).