ОРАЛ. Қыркүйектің 24-і. ҚазАқпарат /Ғайсағали Ералы/ - Батыс Қазақстан облыстық тарихи-өлкетану мұражайында «Түркі жазуы мәдениеті: кеше және бүгін» деген тақырыпта дөңгелек үстел отырысы өтіп, көрме ұйымдастырылды,
деп хабарлайды ҚазАқпарат тілшісі.
Шараға қатысқан филология ғылымдарының докторы, профессор, Батыс Қазақстан гуманитарлық академиясының проректоры Мұрат Сабырдың айтуынша, көрмеге қойылған түркі жазуы үлгілері V-Х ғасырларға жатады. Оны алғаш зерттеген Копенгаген университетінің профессоры Вильгельм Томсен болса, кейін мұны орыс ғалымы Василий Радлов жалғастырды. Қазіргі кезде Орхон-Енисей жазулары жөнінде Л.Гумилев атындағы Еуразия ұлттық университетінің профессоры Қаржаубай Сартқожаұлы еңбектер жазуда.
Түркі жазуларынан бастау алған қазақ елінің мәдениеті мен тарихы туралы ақын Қайрат Жұмағалиев те сөз қозғады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).