ОРАЛ. 22 тамыз. ҚазАқпарат - 22 тамыз күні М.Өтемісұлы атындағы Батыс Қазақстан мемлекеттік университетінің мәжіліс залында «Тіл - татулық тұтқасы» атты облыстық тіл айлығы аясында «Үздік аудармашы» байқауы өткізілді.
Аудармашылар сайысы «Батыс Қазақстан облысының жас ғалымдар кеңесі» қоғамдық бірлестігі мен облыстық тілдерді дамыту басқармасының қолдауымен ұйымдастырылды. Ресми құжаттарды аудару, көркем аударма, сөзбе-сөз немесе ауызша аударма мен жаңа терминдер әлемі бөлімдерінен тұрған байқауға 14 мемлекеттік қызметкер қатысты.
Қазылар алқасының шешімі бойынша III орынды Е.Ғайсин, Н.Өтиева, Ж.Гохгальтер және II орынды Г.Жароева, Н.Лұқпанова иемденсе, бірінші орынды Эльмира Мәдірова жеңіп алды.
Жеңімпаздар арнайы диплом және кәдесыйлықтармен марапатталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).