ОРАЛ. 18 қараша. ҚазАқпарат /Елжан Ералы/ - Оралда волейболдан әйелдердің жоғары лига командалары арасында ХХ ел чемпионатының бірінші туры бүгін мәреге жетті.
Бірінші тур қорытындысы бойынша барлық қарсыласын ұтқан «Қостанай» мен «Спартак-АМТ» (Теміртау) командалары 18 ұпаймен көш бастады. Алаң иелері «Грация KZ» командасы 15 ұпаймен үшінші орынға тұрақтады. Оралдықтар тек теміртаулықтардан ғана ұтылды. Бүгін олар «Астана-2» командасын 3:0 есебімен тізе бүктірді.
Батысқазақстандықтар сапында биыл Қазақстан ұлттық құрамасына алынған он сегіз жасар Зарина Сейтқазынова сынды талапты қыздар бар. Оның үстіне аға бапкер Көлеңке Ғұбашев - бес қыздың әкесі. Олардың бәрі де волейбол ойнайды. Соның ішінде Айнасы - команда капитаны, байланыстырушы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).