ОРАЛ. 14 қараша. ҚазАқпарат /Елжан Ералы/ - Оралда волейболдан ерлер командалары арасында БҚО чемпионатының екінші туры мәреге жетті.
Жарыстың бас төрешісі Манарбек Исқақовтың хабарлағанындай, біріншілікке қатысқан 18 команда бес топқа бөлініп, күш сынасты.
Екінші тур қорытындысы бойынша «Казтрансгаз» командасы бірінші орынды жеңіп алды. Бөрлі ауданы - екінші, Жәнібек пен Бөкей ордасы волейболшылары үшінші орынды еншіледі. Жәнібектік Жалғас Қаресов - үздік байланыстырушы, Денис Гусев («Казтрансгаз») - үздік шабуылшы, бөкейордалық Жалғас Әшенов үздік қорғаушы атанды. Бөрлілік Руслан Қуанов турнирдің үздік ойыншысы атағына қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).