ОРАЛ. 7 қаңтар. ҚазАқпарат /Елжан Ералы/ - Орал қаласында волейболдан қыздар арасында республика біріншілігі ойындары өткізілуде.
Оған ел аймақтарынан барлығы 23 команда қатысуда. Жарыс жас ерекшеліктеріне қарай үш топта ұйымдастырылып отыр. Қысқы біріншілік ойындарында Батыс Қазақстаннан төрт команда сынға түсуде. Әсіресе, 1993-1994 жылғылар арасында «Грация» командасы жақсы өнер көрсетуде. Кезінде өткен жылғы жазғы Азия ойындарының қола жүлдегері Сана Жарлығасованы тәрбиелеп шығарған «Грация» құрамында қазір де болашағынан үміт күттірер ойыншылар бар. Аталмыш біріншілік те үздіктерді анықтау мақсатында өткізіліп отыр.
Оралдағы жарыс 10 қаңтарда мәреге жетеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).