13:56, 03 Ақпан 2011

Оралда жалған ақша жасаушының үстінен қылмыстық іс қозғалды

ОРАЛ. 3 ақпан. ҚазАқпарат /Елжан Ералы/ - Оралда жалған ақша жасаған азаматтардың үстінен ҚР ҚК 206-бабы 1-бөліміне сәйкес қылмыстық іс қозғалды.

Облыстық прокураның баспасөз қызметінен түскен мәліметке қарағанда, ҚР Ұлттық банкі БҚО филиалы кассасына азамат Н.Шерстобитовтан құны 10 мың теңгелік ақша өткен жылдың аяғында түскен. Бұған күмән туғызған банк қызметкерлері «Спектр» құрылғысымен тексерген кезде жалған ақшаның белгілерін анықтайды. Кейін сот-техникалық сараптама да оның жалған екендігін көрсетті. Алайда БҚО бойынша экономикалық қылмысқа және сыбайлас жемқорлыққа қарсы күрес департаментінің инспекторы Д.Құрақов қылмыстық істі қозғаудан бас тартқан. Тек Орал қаласы прокуратурасының араласуынан кейін ғана қылмыстық іс қосымша есепке қойылып, қаралуда.

Аймақ Батыс Қазақстан облысы Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).