ОРАЛ. 26 қаңтар. ҚазАқпарат /Елжан Ералы/ - Орал қаласында жаңажылдық безендіруге арналған дәстүрлі байқаудың қорытындылары шығарылды.
Қалалық мәдениет және тілдерді дамыту бөлімінің бастығы Сайран Дүйсентегінің хабарлағанындай, байқау қорытындысында «Теремок» кафесі - бірінші, «Стеклосервис» ЖШС - екінші, «Орал» сауда үйі үшінші орынды еншіледі. Сондай-ақ ынталандыру сыйлықтары да табыс етілді. Жүлде қоры 400 мыңға жуық теңгені құрады.
Жалпы, Оралда жаңажылдық безендіру жұмыстарына 7,2 млн. теңге жұмсалды.
С.Дүйсентегінің айтуынша, жыл басы - Наурыз мейрамына орай да осындай шараларды қолға алу ойластырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).