18:51, 10 Сәуір 2009

Оралда жас отан қорғаушылардың облыстық слеті мәреге жетті

ОРАЛ. Сәуірдің 10-ы. ҚазАқпарат /Ғайсағали Ералы/ - Сәуірдің 10-ында Орал қаласындағы №34 орта мектепте патриоттық және әскери-спорттық клубтардың облыстық слеті мәреге жетті,

деп хабарлайды ҚазАқпарат тілшісі. Орал гарнизоны әскери прокуратурасы мен облыстық білім беру басқармасы және қорғаныс істері жөніндегі департамент қолдауымен өткізілген сайысқа облыс мектептерінен барлығы 13 команда қатысып, олар нысана көздеу, алғашқы көмек көрсету және жалпы дене дайындығы бойынша жарысқа түсті. Орал гарнизоны әскери прокурорының орынбасары, әділет майоры Бауыржан Балықбаевтың хабарлағанындай, жеткіншек ұрпақты патриоттық рухта тәрбиелеу, спорт пен салауатты өмір салтын насихаттау мақсатында ұйымдастырылған сайыс жеңімпазы мамыр айында Алматы қаласында өтетін «Отан қорғаушы ? 2009» патриоттық және әскери-спорттық ұлттық фестиваліне қатысады.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).