19:10, 13 Сәуір 2009

Оралда жасөспірімдер арасында үстел теннисінен халықаралық турнир мәреге жетті

ОРАЛ. Сәуірдің 13-і. ҚазАқпарат /Ғайсағали Ералы/ - Орал қаласында БҚО әкімінің жүлдесі үшін жасөспірімдер арасында халықаралық турнир мәреге жетті,

деп хабарлайды ҚазАқпарат тілшісі. Қыздар арасында жекелей сында Марина Власенко ? бірінші, Екатерина Маслякова (екеуі де Магнитогорскіден) ? екінші, Гүлшехра Хусейнова (Оңтүстік Қазақстан) үшінші орынды еншіледі. Командалық есепте де Магнитогорск өкілдері ешкімге дес бермесе, Астана ? екінші, Қазақстан құрамасы ? үшінші, әзірбайжандықтар төртінші тұғырдан көрінді. Бозбалалар арасында Арсений Гусев (Новокузнецк), Алексей Исаев (Саратов), Руслан Гарифов (Карелия, Петрозаводск) жүлдегер атанды. Командалық есепте Абакан мен Новокузнецк бірінші орынды бөліссе, ҚР құрамасы ? екінші, Петрозаводск ? үшінші, саратовтықтар төртінші сатыдан табылды. Сондай-ақ ерекше көзге түскен қатысушыларға да арнайы сыйлықтар табыс етілді.

Аймақ Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).