ОРАЛ. Қаңтардың 10-ы. ҚазАқпарат /Елжан Ералы/ - Орал қаласындағы ақша айырбастау пункттерінің біріне қарақшылық шабуыл жасаған ресейлік азамат С.Иванов 10,5 жылға сотталды.
Үкім кесер кезде оның Қазақстан шекарасынан заңсыз өткені де ескерілді, деп хабарлайды ҚазАқпарат тілшісі облыстық прокуратурадан түскен мәліметке сілтеме жасап.
Воткинск қаласының тұрғыны С.Иванов 2008 жылдың қарашасынан 2009 жылдың шілдесіне дейін Орал қаласында заңсыз тұрған. Қазақстан-Ресей шекарасынан шекара, кеден бекеттерінің көзіне түспей, жасырын жаяу жүріп өткен оның Оралда тұрақты мекені, табысы болмайды. Ақыры өткен жылы шілденің 24-інде Әбілқайыр хан даңғылы бойындағы ақша айырбастау пункті қызметкеріне пышақ жұмсап, жалпы сомасы 5688440 теңгенің АҚШ доллары мен Ресей рублін алып қашады. Бірақ кездейсоқ ұшырасқан жол полициясы қызметкері Сәттібек Баданов оны құтқармайды. Сөйтіп оған әділ жаза белгіленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).