ОРАЛ. Мамырдың 25-і. ҚазАқпарат /Ғайсағали Ералы/ - Оралдық әнші Күләш Қуанышқалиева Атырау қаласында Қазақстанның халық әртісі Ғарифола Құрманғалиевтің 100 жылдығына орай өткізілген «Ақ Жайықтан ән оздырған» аймақтық байқауынан бас жүлдемен оралды,
деп хабарлайды ҚазАқпарат тілшісі.
Ғ.Құрманғалиев атындағы Батыс Қазақстан облыстық филармониясында жұмыс жасайтын Күләш ? Құрманғазы атындағы Орал музыка колледжінің түлегі. Бұдан бұрын да бірнеше өнер додасына қатысып, жүлдегер атанған К.Қуанышқалиева «Орал сазы» фольклорлық ансамблінің әншісі ретінде Ақ Жайық жұртшылығына жақсы таныс.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).