11:52, 02 Сәуір 2009

Оралдық оқушы АСПРЯЛ/АКСЕЛС халықаралық білім жөніндегі американдық кеңестің бағдарламасы бойынша оқуға жолдама алды

ОРАЛ. Сәуірдің 2-сі. ҚазАқпарат /Ғайсағали Ералы/ - Дарынды балаларға арналған С.Сейфуллин атындағы №11 облыстық мектеп-интернаты кешенінің 9-сынып оқушысы Бақтияр Рахметов АСПРЯЛ/АКСЕЛС халықаралық білім жөніндегі американдық кеңестің бағдарламасы бойынша оқуға жолдама алды,

деп хабарлайды ҚазАқпарат тілшісі. Ұстазы, ағылшын тілі пәнінің мұғалімі Тамара Нәбиқызының айтуынша, Бақтияр білім сайысының үш кезеңінен де сүрінбей өтіп, Америкада бір жыл бойы ақысыз оқуға мүмкіндік беретін грантты иеленді. Өткен жылы осындай жолдаманы еншілеген аталмыш мектеп шәкірті Дәрмен Коктов қазіргі кезде АҚШ-тың Индиана штатында білім алуда. Ол мамыр айында елге оралмақ.

Аймақ Білім және ғылым

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).