21:13, 08 Сәуір 2009

Оралдық оқушы халықаралық олимпиададан алтын медальмен оралды

ОРАЛ. Сәуірдің 8-і. ҚазАқпарат /Ғайсағали Ералы/ - Оралдағы қазақ-түрік лицейінің 9-сынып оқушысы Ғалымжан Асылханов Әзірбайжан елінің астанасы - Бакуде өткен мектеп шәкірттерінің қоршаған ортаны қорғау жобасы бойынша үшінші халықаралық олимпиадасынан алтын медальмен оралды,

деп хабарлайды ҚазАқпарат тілшісі. Оралдық оқушының Хромтау қаласы (Ақтөбе облысы) маңындағы хром өндірісінің қоршаған ортаға кері әсері туралы жұмысын шетелдік ғалымдардан құралған қазылар алқасы жоғары бағалады. Ғалымжанды аталмыш байқауға лицейдің биология пәнінің мұғалімі Халел Ибрагим мен «Katev» халықаралық қоғамдық қоры биология пәні бірлестігінің жетекшісі Байрам Кенжи даярлады. Осы лицейдің тағы бір шәкірті Серік Тоқыпов таяуда АҚШ-тың Техас штатына қарасты Хьюстон қаласында өтетін «I-SWEEP» білім бәсекесіне аттанбақ.

Аймақ Жастар саясаты Білім және ғылым

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).