20:38, 21 Сәуір 2009

Оралдық оқушылар атамекеніне қайта оралған ақынмен кездесті

ОРАЛ. Сәуірдің 21-і. ҚазАқпарат /Ғайсағали Ералы/ - Х.Есенжанов атындағы Батыс Қазақстан облыстық балалар мен жасөспірімдер кітапханасында белгілі ақын, атамекеніне таяуда ғана көшіп келген Қайрат Жұмағалиевпен кездесу кеші болды,

деп хабарлайды ҚазАқпарат тілшісі. Кеш қонағы Бөкей ордасында өткен балалық шағы туралы әңгімелеп, өмірінен сыр шертіп, өлеңдерін оқып берді. Ақынның балаларға арнап жазған жырлары да баршылық. Оқушылар Қайрат Жұмағалиевтің туындылары қойылған кітаптар көрмесімен де танысты. Кеште сондай-ақ ақын, Қазақстан Жазушылар одағының мүшесі Айтқали Нәріков өз туындыларын балауса оқырмандар назарына ұсынды.
Мәдениет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).