14:20, 09 Сәуір 2009

Оралдық оқушылар Қазақстан чемпионатынан жүлдемен қайтты

ОРАЛ. Сәуірдің 9-ы. ҚазАқпарат /Ғайсағали Ералы/ - Орал қаласындағы №38 орта мектептің екі оқушысы Астана қаласында жасөспірімдер арасында кір тасын көтеруден өткізілген ел чемпионатынан табыспен оралды,

деп хабарлайды ҚазАқпарат тілшісі. Бапкер Досым Қуанаевтың шәкірттері Нұрсұлтан Жұматов 80 киләдан астам салмақта күміс медальды иеленсе, Азат Асылбеков 60 киләда қола жүлдегер атанды. Өткен жылы Таразда өткен ел чемпионатында Д.Қуанаевтың тағы екі шәкірті қола жүлдені еншілеген болатын. Аталмыш мектеп пен «Динамо» спорт қоғамы облыстық филиалы арасындағы ынтымақтастық жөніндегі меморандумға сәйкес оқушылар барлық жарыста осы қоғам атынан сынға түсуде.

Аймақ Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).