ОРАЛ. Сәуірдің 9-ы. ҚазАқпарат /Ғайсағали Ералы/ - Оралдық самбошы Медет Оңдағанов Тәжікстанның Ходжент қаласында өткен Орталық Азия чемпионатынан табыспен оралды,
деп хабарлайды ҚазАқпарат тілшісі.
Өзбекстан, Тәжікстан, Түрікменстан елдерінен қатысқан балуандар арасынан Медет 52 килә салмақта күміс жүлдені еншіледі.
Бұған дейін де Азия чемпионы болып үлгерген М. Оңдағановтың бапкері ? Райымбек Меңдіғалиев. Енді ол маусым айында Өзбекстанда өтетін әлем чемпионатына әзірленуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).