ОРАЛ. ҚазАқпарат - Астана қаласында 8-9 қарашада «Спорт есірткіге қарсы» республикалық фестивалі өтті, оған Қазақстанның түкпір-түкпірінен 12 команда қатысты.
БҚО дене шынықтыру және спорт басқармасынан түскен мәліметке қарағанда, командалар үстел теннисі, жүзу және шағын футбол сынды спорт түрлерінен сынға түсті.
БҚО құрамасы жүзуден эстафеталық жарысқа қатысып, күміс жүлдегер атанды. Атап айтқанда, 1999-2001 жылғы Ілияс Саматов, Сұлтан Файзуллин, Мария Сағитова, Мәншүк Сағынғалиева төрттігі әрқайсысы 50 метрден жүзуге қатысып, қорытындысында екінші келді. Оларды Наталия Манкаева жаттықтырады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).