15:31, 23 Ақпан 2009

Оралдың 'Ақжайығы' Саратовтың 'Универсалын' екі рет ұтты

ОРАЛ. Ақпанның 23-і. ҚазАқпарат /Ғайсағали Ералы/ - Допты хоккейден Ресей чемпионаты бірінші лигасы екінші тобында өнер көрсететін Оралдың 'Ақжайығы' ақпанның 21-22-сінде Саратовтың 'Универсалымен' кездесті,

деп хабарлайды ҚазАқпарат. Оралдықтар алғашқы ойынында 9:3 есебімен қарсыластарын тізе бүктірсе, екінші кездесуінде 5:3 есебімен жеңіске жетті. Қазіргі кезде өз тобында қарсыластарынан оқ бойы алда келе жатқан "Ақжайық" ақпанның 24-25-інде "Знамя" (Воткинск), 27-28-інде ЦСК ВВС (Самара) командасын қабылдайды. Содан кейін наурыз айының басында Богданович (Свердлов облысы) қаласында өтетін финалдық сайыстарға қатысады.

Аймақ Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).