ОРАЛ. 11 қазан. ҚазАқпарат /Елжан Ералы/ - 10 қазан күні футболдан Қазақстан чемпионаты бірінші лигасының кезекті турында Оралдың «Ақжайығы» Шымкентте жергілікті «Тарланмен» шеберлік байқасты.
Аталмыш матчта бірінші таймда есеп ашылған жоқ. Ойынның екінші кезеңінде оралдықтардан Николай Забродин мен сербиялық легионер Миленко Рашкович доп соғып, өз командасына жеңіс әперді.
Осы турдан кейін 53 ұпай жинаған «Ақжайық» әзірге үшінші орында келеді. Оралдықтар келесі ойынын 13 қазанда Қаратауда «Лашынмен» өткізеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).