ОРАЛ. Ақпанның 19-ы. ҚазАқпарат /Елжан Ералы/ - Ақпанның 18-інде допты хоккейден Ресей чемпионаты бірінші лигасы бірінші тобында ойнайтын командалар кезекті ойындарын өткізді,
деп хабарлайды ҚазАқпарат тілшісі.
Ульяновскіде «Волга-2» командасымен күш сынасқан Оралдың «Ақжайығы» 3:8 есебімен есе жіберді. «Ақжайық» өз тобында үшінші орында келеді.
Оралдықтар келесі кездесулерін өз айдынында ақпанның 20-21-інде екінші орында келе жатқан Саратовтың «Универсалымен» өткізеді. Осы екі ойында ұтса, «Ақжайық» екінші орынға көтеріледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).